鄧紫棋唔提林宥嘉疑分手
歌手鄧紫棋（G.E.M.）昨日現身電台接受訪問，即被記者追問男友林宥嘉7月1日生日時，為何獨自到美國旅行？她說：「因為我係一個獨立個體，有假期就去吓旅行囉，（有冇打畀佢？送禮物？）美國同呢邊時間倒轉，SMS又貴！」
當記者提到G.E.M.的老闆曾公開對她的戀情表示正面，她反笑說：「我收到order叫我低調。（仲拍緊？）你哋覺得有就有啦！（分咗手？）唔想提其他男士！」期間她不斷以「唔想提其他男士」來回應有關林宥嘉的提問，亦坦言很久沒有與宥嘉相見，雖然她全程不乏笑容，不過她始終都不肯正面回答問題，難免令人聯想起她與宥嘉已分手。
美國遇「怪男」
至於問到她在美國有甚麼奇遇？她說：「我喺blog度話會買結他，點知去到間店門口有個中國人男仔話等咗我兩日，佢不停同我講嘢，又跟我入去買結他，（古怪宅男？）唔係，佢好多嘢講。」她表示該男子沒有講「核突嘢」，而外表亦正常，不過不知對方為甚麼知道她會在該店出現。
文：音樂組