謝天華受圍攻難逃一醉

謝天華昨天生日，其太太Tina早早準備好生日派對，並私底下邀請一班好友如佘詩曼、黃宗澤、洪天明、周家蔚、姚樂怡、關寶慧等出席。前晚十時正，天華準時與太太Tina到達中環朋友開設的「私竇」，他坦言前幾年生日都於工作中度過，太太指難得有空檔，不如與好友聚聚。

周家蔚表示會今年註冊，喜酒則留待明年。

關寶慧（左）及姚樂怡決心要令壽星仔不醉無歸。

天華指朋友出席已是很好的禮物，問老婆送甚麼？他說：「佢送咗成個人畀我啦！依家又送埋個party畀我！」他興奮得口不擇言：「最緊要健康行先，唔係賺到錢都冇命使。（不醉無歸？）未必，唔使四個人抬走，唔使打直入嚟、打橫抬出去！」

周家蔚籌備新居

至於黃宗澤則單拖赴會，並買了靚衫做禮物，說到天華表示不會醉走，黃宗澤說：「生日醉係OK嘅！朋友一人一杯佢都醉啦！」而送上香檳的關寶慧及姚樂怡則聽到天華不要醉走時，二人齊聲謂：「唔係佢唔要，係一定醉！」

而周家蔚到場後表示天明因要準備禮物，故遲些才到場，她又指剛剛為二人新婚新居買傢俬及家品，她說：「我哋會結咗婚先搬屋，未必今年擺酒，但會今年註冊，亦未必會香港註冊。」

文：影視組