Monna打尖彈出是非當人氣

「混血E神」林宜芝（Monna）出道數月就惹整容疑雲，憑是非彈起的她懶理負面傳聞：「畀人講好過冇人講。」人氣漸升的她希望行師姐陳靜的路線，由寫真界躍入影壇。

林宜芝（Monna）成為「百果園咪神」陳靜的師妹短短數月，就憑中德混血靚樣及噴血E Cup身材冒起，被譽為「混血E神」。贏得人氣的她卻慘遭起底，被翻年前參選工展小姐的「舊貌」，惹上整容疑雲，她反而樂觀地指是非是人氣指標：「冇唔開心，當睇唔到，個個新人一出嚟都畀人傳整容，好似一個模式咁，畀人講好過冇人講。」如此大無畏，難道不怕是非陸續有來？

進軍銀幕

Monna在今年4月與公司簽約，即落實加入寫真戰，更在5月中完成拍攝，非常神速。問到剛加盟即打尖，比很多同門師姐搶先出寫真，會否令人眼紅？她說：「公司啲女仔有唔同路線，有專拍戲、專出活動，李宥彤（Liz）同DaDa出完寫真就拍戲。」她亦想走這兩位師姐的舊路，誓要進軍大銀幕。談到電影中的性感底線，她說：「唔露點，大膽鏡頭就睇劇本，傾清楚就接受。」