(2)許鴻達夾胸(6)方世杰唧股
港男決賽今晚舉行，11位候選港男昨日以泳裝進行總綵排晒「雄風」，不過(2)許鴻達竟以o靚模絕招—夾波罅異軍突圍，將唧出Pat Pat肉的(6)方世杰及「甫士王」(12)林志勇比下去。
《2011香港先生選舉》今晚隆重舉行，由於(7)肖偉早前退選，昨日僅得11名候選港男在電視城進行總綵排，他們以泳褲上陣騷肌肉，尤以(6)方世杰身形最Fit，惜不慎唧出「白臀肉」扣分。至於(2)許鴻達揮低L林志勇榮膺「甫士王」，他除了擺出大衞像甫士外，更使出「o靚模十式」中的夾波罅，笑爆全場！而(3)黃建東及(11)歐陽德均屬「毛孩」，前者的臍毛「叉」出底褲邊，後者則如冬甩般環繞肚臍，有欠雅觀。
(3)黃建東多毛難遮
受訪時，黃建東坦言不知露毛：「可能自己後面太多肉，搞到條泳褲包唔冚，我都會考慮修毛。」他又自爆為參選個半月勁激減30磅：「香港話劇團啲舊同事，好似蘇玉華都有留言支持我，真係好有義氣！」
(12)林志勇剃毛滑淨
此外，向來「另類」的林志勇靠「飛甩啲毛」突圍，並自爆天生冇毛：「不嬲手腳都冇，胳肋底毛就剃咗，但該有嘅地方都仲有！」視(1)蕭家浩為勁敵的他，大讚對方演藝經驗豐富：「但我絕對有信心！（但你唔夠大隻喎！）選港男又唔係健美先生！」對於facebook「肉照」流出，林志勇及許鴻達堅稱只是生活或工作照，自己亦從沒拍過親密照，但日後會小心處理。
文：影視組