楊思琦約豪仔講數攞狗

自楊思琦單方面宣布與李泳豪分手後，二人之前共同撫養的六隻「八哥」就依然留在李家，由豪仔及母親施明照顧，據知豪仔對愛犬非常鍾愛，坦言就算思琦不要牠們，都會一手撫養。

返港再會了解

思琦對於之前李家上下的指摘，一直「啞口」不作回應，但今次提到愛犬，她終於不能再忍，昨日記者致電給思琦，她開腔表示：「我唔係唔理啲狗，唔好誤會，之前同佢哋一齊有研究呢個問題。」思琦不諱言稍後會跟豪仔商討狗仔的問題：「一定會有解決方法，睇吓點樣去傾，但唔想吓吓同傳媒交代。」

至於身在惠州為飄移表演賽埋首試車的豪仔明顯心情好轉，他表示：「依家我想專心表演，但思琦肯傾嘅我當然會傾啦，等我返香港會同佢了解清楚咩事！」

鼎爺放長雙眼

記者昨日亦致電李家鼎，提到思琦講明不會不理狗仔，鼎爺聞言又爆粗：「多×餘！黐線，咪睇吓第日啲狗點囉！（思琦有冇要求要番狗仔？）冇聽過喎！」他又指多年思琦都沒有帶過狗仔返娘家，問是否思琦媽不喜歡狗？他謂：「唔敢講！不過佢嗰度都唔畀養狗啦！」鼎爺更直指思琦就算接回狗仔，最終都只會送去愛護動物協會，面臨人道毀滅！

而施明接受電話訪問時，坦言向來那六隻「八哥」都由她一手一腳照顧：「無論幾辛苦，我都會照顧佢，佢哋係我嘅命根！」說到思琦指會與他們商討狗仔撫養事宜，施明謂：「呢個問題我依家唔答，唔處理住，等大家嚟決定，（思琦曾要攞番啲狗仔？）冇咁嘅事。」

文：影視組