趙哲妤瞓身谷胸性在高貴

趙哲妤（Uny）今年以33C上圍Big入寫真戰，原本到中港澳拍攝的她，因時間緊迫及天氣問題，最後選擇只在香港及澳門取景，但稍後會到中國拍攝第二版。提到她與趙碩之的寫真都是同一攝影師操刀，Uny坦言不擔心比較，更暗寸前輩︰「我好滿意影嘅效果，佢嘅寫真着重人體觀感，好多情慾動作，但我係行高貴嘅路線！」

玩人體彩繪

Uny更乘機向其他胸模抽水，她說︰「我嘅寫真唔會有意識不良或者意淫嘅感覺，唔會有氾濫性感，食雪條滴奶嗰啲太過火！如果要睇太過暴露嘅相，不如買色情刊物！」Uny在寫真除了玩人體彩繪外，亦會穿泳裝晒心口，瞓身谷胸誘宅男。她說︰「今次會着一件頭嘅泳衣，唔一定着三點式先靚嘅，反而我鍾意着一件頭多啲。」

趙哲妤瞓身谷胸拍寫真，盡展美好身材。

趙哲妤揚言走高貴路線。

此外，Uny表示寫真會印二萬本，有信心再加印，並透露已有連串宣傳大計。她說︰「我本寫真會喺中港澳三地都有宣傳，雖然寫真未印好，但中國已有超過四位數嘅粉絲預訂，自己好開心。」她又稱會有三款不同的海報，不過問到海報是否有睇頭？她則大賣關子不肯透露。

文︰專案組