陳靜爆乳搬寫真嚇窒工人

寫真集之戰沸騰展開，「百果園咪神」陳靜（DaDa）及「「雙E孖寶」Iris及Monna，留力待書展首日（20日）始正式發售寫真，雖然各人均認為沒必要搶閘出書爭客，但仍然心急欲先睹為快，日前三女搶先殺上印刷公司，見證寫真出爐，DaDa興奮得大嗌：「好似等焗麵包，好開心呀！」

親力親為做校對

DaDa、Iris及Monna性感谷胸亮相工廠，令繁忙的公司即時香艷無比，陳靜俯身親力親為做校對及搬書，六吋事業線加性感寫真「互相輝映」，嚇窒一眾工人！DaDa說：「超級期待本書出呀！（遲過其他人出驚唔驚蝕底？）唔怕，唔係早就一定好賣。（點睇Jeana寸嘴言論？）呢啲唔係我哋作風。」

陳靜做性感女校對，六吋事業線拋窒工人。

Iris（右）及Monna趷籮騷胸推書，噴血指數急升。

雙E孖寶讚「新鮮」

孖住出書的Iris及Monna甫到印刷公司亦難掩興奮之情，自告奮勇趷籮騷胸幫手推書，落力到差點走光！Iris直言：「哇！啲書出爐仲係暖o架！好『新鮮』呀。」問到有指今年岩石不倒胸湧現，她說：「都唔係呀！我哋幾個都好鍾意趙碩之個胸型，覺得好自然呀。」

文：影視組