楊千嬅前晚以嘉賓身份出席「ARTE 2011春夏系列首飾匯演」，並親身示範最新系列。
問到老公丁子高有否送她首飾？她笑言現在老公只講求實際：「結婚前就年年送鑽飾，但結咗婚就唔送花巧嘢囉！（送車？）係，佢順便方便埋自己嘛！不過我覺得兩公婆最忌係老婆揸車，老公坐隔籬，因為會嗌交，連路線都會嗌一餐，危險程度同醉駕一樣。（試過因此嗌大交？）未，我唔揸車，不過有時老公貪快貪方便就用最貴嘅西隧，而我就發揮港女精神鬧佢，寧願平啲，兜遠啲去紅隧都冇所謂呀！」
