爆E超蓮引鴨纏身
最近o靚模被騙、墮色情陷阱的個案層出不窮，「爆E超蓮」鍾采羲（Iris）早前孖同門「混血E神」林宜芝（Monna），赴上海拍攝性感寫真時竟遇上「翻版古天樂」向她自薦伴遊。
兩女在當地吸引男粉絲圍觀外，還吸引另類的狂蜂浪蝶，二人不禁大嘆此行異常難忘。Iris自爆趁拍攝空檔離開大隊時遇上內地型男，令她非常「驚喜」。她說：「當時我同Monna一齊拍嘢，到Monna影單人相時，我就去咗附近坐低等佢，突然有個靚仔走埋嚟，成個『翻版古天樂』咁，咁就同佢傾咗兩句，點知佢突然問我價。」
窮追不捨花容失色
Iris被對方問價嚇至花容失色，即急急耍手擰頭走人，狂說：「我不是做那些工作。」豈料，對方繼續窮追不捨，問價事件更峰迴路轉！Iris說：「佢話唔係呢個意思，而係叫我畀五千元人民幣佢，佢話可以陪我玩一個禮拜。」她難以想像自己成為男妓的目標，揚言下次會小心，避免獨自周圍走。