樂易玲牛一行善
無綫高層樂易玲昨日牛一，前晚一眾藝人朋友為她舉行生日派對，先在深灣遊艇會食自助餐，再直踩跑馬地紅酒吧狂歡。樂小姐事前已叮囑好友以捐獻當作禮物，不過阮兆祥竟以樂易玲名義助養兩名兒童作為禮物，氹得樂小姐大叫有意義。
樂易玲昨日（七月一日）生日，現為無綫製作資源部總監的她，與不少藝員關係要好，一班「仔仔女女」包括：林峯、黃宗澤、謝天華、陳法拉、徐子珊、陳敏之、李亞男、王祖藍、苟芸慧和阮兆祥等，前晚得知「阿媽」牛一，即使開工仍抽調時間到場祝賀，而其餘一眾友好如王小鳳、麥玲玲、英皇高層吳雨、霍汶希及錢國偉等亦先後到場，上半場未完，阮兆祥與女友於凌晨先離開，至凌晨二時，祖藍偕女友李亞男等人亦陸續離開。
天華送擺設
樂易玲預早通知各人不要送禮而改為捐獻，但有心思的祥仔，卻以樂易玲名義助養兩名兒童作為禮物，樂易玲昨日向記者表示祥仔此舉很有意義，令她十分開心。天華則「破壞規矩」送禮，昨日他稱以朋友身份送對方一個擺設。至於多年好友王小鳳就最實際，她於席上High爆獻舞，又向樂易玲送上多首歌曲，高漲氣氛充斥現場。
哮喘要戒酒
問到生日願望，樂易玲祝願世界和平外，亦不忘祈求公司人人安好，似乎向被傳不和又有官司在身的陳志雲送上慰問：「其實我係搵個地方傾吓偈食吓飯，之後又去咗飲紅酒，不過我哮喘，成晚都戒酒，好多朋友都幫我頂酒，（老公幫？）佢要揸車，我都唔畀佢飲，（生日點慶祝？）我同成家人、家姐一齊食飯又打保齡球，我啲仔都好大個，但佢哋唔介意一齊玩，好融洽。」
文：影視組 攝：追蹤組