苟芸慧花心轉軚冧(3)黃建東
「華姐」苟芸慧與「港男」男友羅天宇打得火熱，昨日擔任應屆港男「Pose王」比賽評審，笑指林峯乃Chok樣代表，以他作畀分標準實屬難事，她又讚(10)李晉強夠可愛，不過臨場卻轉軚投(3)黃建東一票。
苟芸慧、劉倩婷及沈卓盈昨日齊為《2011香港先生選舉》的「Post王」比賽擔任評審，11名候選港男各出奇謀，落力於3位美女前施展渾身解數，當中不乏拱橋、倒立、側手翻、一字馬等動作，最後由(3)黃建東以搞笑姿態勝出。
(3)做回自己
苟芸慧於比賽前表示看好(10)李晉強勝算高，還大讚對方樣貌可愛：「不過都要睇表現，Chok樣係林峯嘅嘢。（用佢做標準？）得佢有，用佢嚟比較就太高，應該要有自己嘅特質，（男友羅天宇同(10)比邊個可愛？）唔可以比，要有自己特色。」不過最後苟芸慧卻選了(3)黃建東，笑指他很有心思，透過歌曲做出不同動作，令其頓時想起王祖藍。
勝出的(3)表示對決賽當晚自信心增強，自嘲體能及運動也不精，曾一度迷失，不知走甚麼路線來取悅大家，後來經港男們鼓勵下，決定做回自己，他謂：「我鍾意演戲同搞笑，（到時泳褲環節都搞笑？）要度一度，有可能啦！」昨日適逢(1)蕭家浩生日，一眾港男與壽星仔切蛋糕慶祝。
少接觸思琦
至於港姐出身的劉倩婷，對於師姐楊思琦與拍拖多年的李泳豪分手，表示雙方曾於工作上碰面，私下卻少接觸，有傳思琦以「有喜」為理由提出分手，倩婷謂：「呢啲要當事人先知。（可惜？）每段感情都有難言之隱，最緊要佢哋開心，一齊、分開都好平常。」
文：影視組