許亦妮拖好友現身證冇不和

【彭形影番禺直擊】眾候選港姐昨日繼續在番禺長隆酒店錄影，每人帶同一位親友接受曾華倩訪問爭做「歡樂大使」。是非最多的(3)許亦妮身穿低胸裝，帶同早前被指反面的銀行家柯清輝契女嚴紀雯（Carmen）到場，擺明想力證冇不和，洗脫「獨孤精」稱號！
(3)許亦妮（左）是非多多，而(5)朱晨麗獲讚則信心大增。
(3)許亦妮（左）是非多多，而(5)朱晨麗獲讚則信心大增。

不過，昨日再有讀者爆料指Carmen與金牌大風造型設計師馬天佑本是情侶，許亦妮卻刻意介入，但許亦妮指他倆並非拍拖，關係認真複雜！提到與《肉蒲團之極樂寶鑑》男星姚洛銘攬住合照，許亦妮再表示只是朋友，攬實亦不覺親暱：「好耐冇見，只係SMS。（改黐仔習慣？）參選後做咗公眾人物會小心啲，唔想有誤會。」

至於曾華倩大讚佳麗聰明，最睇好(5)朱晨麗，對於許亦妮是非多，她說：「命帶桃花囉！啱呢行啦！（影響形象？）靚女梗係多人追，佢咁多仔不如畀啲我！哈哈！」獲讚的朱晨麗則信心大增，希望打入三甲。

曾華倩大讚佳麗聰明。
  • 曾華倩大讚佳麗聰明。
許亦妮（左）帶好友Carmen到場。
  • 許亦妮（左）帶好友Carmen到場。