懶理羅仲謙缺席 傅穎谷戲大殺「峰」景
歌手傅穎（Theresa）昨日出席《熱浪球愛戰》的宣傳活動，並以黑色透視裝和豹紋短褲，大騷長腿，透出絲絲性感味道。由於片中女演員全屬有料之人，昨日現場所見，眾女星也不禁稍為低胸「晒料」，Theresa卻大唱反調，解釋刻意在deep V上衣內加件黑色tube top，免大家以為片中女角愛鬥性感，但少不免大殺「峰」景！
Theresa又稱在《熱》片中，跟林子善是一對，拍戲期間在對方身上學習不少喜劇的技巧，難怪昨日會上見兩人就連大合照期間也雞啄唔斷。提到電影的男主角羅仲謙未有現身，曾傳緋聞再「反面」的Theresa說：「以我所知佢係拍戲嚟唔到，（介唔介意一齊同場？）唔介意，大家為工作之嘛，同場冇問題，因為套電影大家有份做，（合照？）冇問題，（咁私底下呢？）私下嘅事私下解決啦，（咁解決未呀？）我依家生活幾好呀！」
