娜姐開名狙擊 縮水JC救波頑抗

娜姐、Jessica、傅穎（Theresa）昨日率領o靚模Mia、Hidy及Hazel等為新片《熱浪球愛戰》造勢，眾女眼見大家同是有料之人，同台上陣，當然毫不吝嗇，各自以性感造型示人爭搶鏡！娜姐以Deep V連身裙大晒三吋事業線，而Jessica則以小背心上陣，大騷招牌警鐘胸，可惜因身形變瘦，未能搶鏡，還輸給久休復出、狀態大勇的Mia。

自爆辛酸周身瘀

期間，大會安排一眾女星連同演員林子善、組合Bro5在台上打排球，見Jessica搏到盡烏低身「倒奶」救波，相反Chrissie為怕走光非常錫身，不過「咪咪」卻不幸慘食波餅，台下的宅男見狀即不停拍照，全場霎時閃燈狂閃！娜姐大爆戲中目標是「打死」JC，問到拍戲時兩人會否來個身材大比併？她說：「其實對住佢好尷尬，好怕打中佢塊面，大家都係靠塊面搵食，惟有打落少少，（咁即係打瘀個胸？）周身都瘀啦，個個都整親！（頭先個胸中波餅？）好正常，波來波往！」

眾女大合照時，傅穎與林子善只顧在台上密斟。

娜姐笑住慘食波餅，藝人果然唔易做！

「唔想變細路女」

JC解釋因早前到加州度假，經常踩單車又到沙灘曬太陽才會變瘦，非刻意節食，現在趁回港會做GYM好好修靚身形。問她會否擔心因變瘦而令咪咪縮水？她說：「擔心呀！我唔想做番以前嘅細路女（指平胸），我要做女人！所以要努力keep住，要瘦得嚟個胸唔細嘅！」

至於身穿吊帶裙的Mia成為全場性感之最，她坦言要搏到盡谷胸示人：「休息咗半年，今次第一次出番嚟做嘢，今日打沙灘排球嘛，梗係帶定兩個波出嚟（雙胸），以波制波！之前爸爸病，我向公司請假半年，今次梗係搏到盡啦，如果唔係就手停口停！」

採訪：音樂組