謝霆鋒託律師樓將離婚協議書送到張栢芝所住的陽明山莊信箱內，黃國桐律師表示離婚協議書的作用是在正式辦離婚前讓雙方協議好離婚條件，免其後在離婚庭內再有爭拗，省回時間：「因為冇律師，寄咗去佢（張栢芝）屋企信箱已經當佢收到，冇得話冇開信箱收唔到，如果佢唔同意條件，可以通知對方佢唔同意。」
若栢芝對離婚一事想採取「拖字訣」，現時無代表律師是否有利？黃律師說：「根本冇得拖延，反而冇律師仲難拖延，有律師，佢可以話要同個客商量，需要多啲時間，依家冇律師，一切要跟對方嘅日子同程序去辦。」他又指若謝霆鋒在辦理離婚期間想見一對兒子，可向法庭申請「中期命令」，有望在離婚手續辦妥前與兒子見面。