警車接放工 鍾嘉欣被轟嘥納稅人錢

鍾嘉欣近來忙於拍劇至深夜,昨日凌晨在微博自爆由警車接送:「今天遇到好特(得)意的事,我等了很久都沒有的士,幸運,有Police Van(警車)經過,and they gave me a ride home,Thanx a lot!Goodnite everyone!Sweet dreams(佢哋車我返屋企,非常感謝,早抖各位,好夢)。」

粉絲讚嘉欣吸引到警察幫助,但有人斥她浪費納稅人金錢,並懷疑警方觸犯警例。

嘉欣昨日在電話中向記者交代事件:「當晚凌晨時分,喺電視城門口等咗好耐都冇車,咁啱有架警車行過,我主動問可唔可以車我去有的士截嘅地方。(微博留言不怕捱轟?)唔怕,佢哋見到女性同老人家有安全問題都會咁做,係基於安全理由去保護市民,始終一個女仔咁夜喺街好危險。(因為你先幫?)唔係。」