過江女神：最憎好男人 抽水手震震
娛樂圈「好男人」呢期喪畀人插話佢扮好人，而澳門夜場PR都話好男人令人神憎鬼厭，喺京X盛世夜總會工作嘅PR婷婷就表示，情願遇着個真正壞男人，都唔願意對住一個扮好嘅男人喎！
壞得徹底
做好男人都要畀女人鬧，莫非要做壞男人至有人欣賞？婷婷就表示，每晚接觸咁多男人，邊個真邊個假一眼就睇出。佢話：「呢個唔關好壞嘅問題，而係扮嘅問題，簡單講，假如你係好男人，就唔好扮壞人，入到夜場毋須扮職業玩家、扮老手，正正常常同囡囡猜枚飲酒，自然會獲PR歡心，相反你係壞男人，不妨壞到盡，話唔定令囡囡有出人意表嘅驚喜！」婷婷續話：「我遇過不少扮好男人嘅賤男，飲酒嗰陣好斯文，又尊重女性，但上到房就猶如野獸，動作粗獷又大講粗口，真係嚇死人囉！」
互相尊重
照婷婷咁講，即係做好男人反而冇壞男人咁着數，事關阿妹話壞男人不妨衰到盡，即係對住囡囡抽水都無妨啦！「問心，男人不論好壞都會對女人抽水架啦，只不過係程度問題，若然唔算太過分，一般囡囡都會接受，不過好男人抽水動作太生硬，欠缺情趣，搞到大家好尷尬，相反壞男人雖然擺明向囡囡毛手毛腳，但佢同時把口會講啲衰嘢氹女，囡囡開心，氣氛當然好得多啦！」原來如此，各位玩家以後去夜場玩，不妨有咁衰扮咁衰，皆因囡囡唔介意仲有獎畀你添！婷婷笑言：「咁又唔代表可以亂嚟，總之男女互相尊重，你氹吓我，我又錫吓你，大家Happy啦！」
婷婷Profile：
三圍：34-24-33
身高：5呎5吋
撰文：祖
攝影：昌