羅家英：莫教人分妻
汪明荃和羅家英等合演的大型粵劇《德齡與慈禧》昨日舉行記招，宣布於八月假演藝學院進行第三度公演。身為謝婷婷契媽的阿姐，說未有留意謝霆鋒日前的開腔獨白：「佢咁大個仔成30歲，都應該識得處理，一對夫婦嘅嘢外人係睇唔到，已經係成年人又有細路，要負責自己講過嘅嘢，希望佢哋冇事。不過最緊要係兩個小朋友，佢哋又咁可愛。」
明顯消瘦的家英哥體重跌至139磅，腰圍也瘦至29吋：「我估計糖尿病，所以要戒口，之前入院係做檢查。」對於鋒芝婚變，家英哥說：「希望大事化小，小事化無，無事化好事，唔係為錢，又唔係為啲咩，咁大風浪（指慾照事件）都過咗啦！希望佢哋唔好見咁多記者，講少啲嘢，同埋啲人唔好興波作浪，寧教人打仔，莫教人分妻！」