Kelly追睇鋒芝婚變嘆可惜
袁詠儀（靚靚）和陳慧琳（Kelly）是圈中幸福靚太，眼見「鋒芝」婚變在即，兩人大感可惜但也保持中立態度，靚靚寄語夫妻之道只看對方優點接納缺點，Kelly認為誰是誰非都是兩人自己處理最適當。
靚媽咪Kelly昨日下午1時多從內地返港，身為廿四孝媽媽的她坦言：「好掛住蝦餃仔，趕返屋企見佢。」問她可有留意鋒芝婚變一事，她說：「咁大新聞又係頭條梗有睇。（望兩人和好如初不要互數？）由佢哋自己決定點樣處理啦，我同佢哋分別有合作過，如果離婚覺得好可惜囉。」Kelly坦言與老公間中都有意見不合，但不算太多。
「應回頭望一望」
至於圈中恩愛夫妻靚靚和老公張智霖（Chilam）昨日各自出席活動時，也被問到有關「鋒芝婚變」一事。靚靚覺得家家有本難唸的經，兩個人相處是很大學問：「應該回頭望一望大家嘅快樂日子，要珍惜，畀大家機會。（唔贊成鋒芝離婚？）係呀，好可惜，仲覺得佢哋係相愛，兩個人相處係好難，（霆鋒）嗰句『不知怎樣走下去』，我聽到好心痛，知佢好迷惘。」靚靚又稱夫妻間應記着對方的優點而接納對方缺點，就如她老公Chilam都只看她的優點一樣。
Chilam單親也快樂
有指張栢芝帶大仔Lucas到片場開工，靚靚說：「我個人就唔贊成，雖然我個仔只係讀K2返去玩吓，但都學到好多嘢。（帶魔童開工？）黐線。」靚靚表示兒子大Lucas十個月，曾就讀同校，亦見過Lucas返學，但因兒子轉校，Lucas之後有沒有返學她便不清楚。另外，Chilam昨日與蘇永康、RubberBand出席音樂會記招，對於鋒芝事件，Chilam表示：「人哋家事唔講太多，只可以心底送上無限祝福。」他又坦言自己在單親家庭長大，但不覺不快，小時候有很多人陪他玩，不過他補充小朋友最好在正常家庭環境成長。
文：音樂組