Mr.主音骨巉巉唔敢騷肌

已有紅館開騷經驗的五人樂隊Mr.，今年再接再厲於下月初舉行兩場演唱會，最近五子為個唱積極綵排，雖然他們已經夾慣夾熟，但仍認真練習，晚晚以Band房為家度橋及綵排，務求送新鮮感給樂迷。

Alan早前抱恙令身形消瘦。

Mr.坦承收入較以往增多。

憑經驗突破演出

問到屆時會否騷肌益歌迷？Alan說：「我哋呢排都有喼弗，相對嚟講，我付出體能畀其他成員多，因為我要喺台上走來走去，同fans近距離接觸，所以都有做Gym。不過早排我病咗，搞到個人瘦晒，身形『骨巉巉』咁，所以仲未知騷唔騷肌肉。」

再踏紅館，問到突破方面有否難度？Alan說：「咁又冇，夾Band係要時間浸淫，累積經驗多咗，就可以作出突破。」會否考慮每年在紅館開騷？成員Dash說：「想每年搞Band騷，未必一定係紅館，總之以概念行先。」

年年出碟有飯食

另外，Mr.的新碟早前已經推出，在唱片市道不景氣情況下，他們仍然年年有碟出，而講及兄弟情的新歌《兩大無猜》，亦有不俗播放率，令五子感到欣慰。問到是否成功「搵到飯食」？他們謙稱：「有飯盒食囉！其實就算賺多咗錢，我哋都係用番工作上，好似添置新樂器。」

採訪：戶冊平

攝影：秦健輝

服裝：5cm

眼鏡：Red Dot