糖妹挑戰舞曲扭腰減肥

全新主題曲《跑出天際》由糖兄阿峰創作，由伍佰擔任監製，糖妹(Kandy)更獻出第一次，以舞會歌迷，她說：「呢首係舞曲，所以要跳舞，當中有好多扭腰嘅動作，係一個新挑戰之餘，仲可以減肥，扭得多都覺得條腰瘦咗。」至於糖兄在製作過程中亦有新嘗試，他說：「第一次所有樂器一take過一齊錄，其實做歌比較少人用呢個方法，因為其中一個錯就要全部錄過，但個氣氛會好啲，自己都好滿意今次呢個製成品。」

首次與糖兄妹合作，伍佰大讚二人潛質無限。

糖妹四出搵錢之際，糖兄就專心寫歌。

讚領悟力強

初次與糖兄妹合作，伍佰對他們讚不絕口，他說：「糖兄是蠻天才的，又會作曲、彈Keyboard，叫他改歌詞，一分鐘就辦妥，糖妹又會唱，把我嚇到，而且領悟力很高。」問到伍佰將來會否考慮為他們作歌，他就說留給糖兄發揮，至於合作？伍佰說：「這當然沒問題，只要他們要幫忙，我一定會參與，他們是很有潛力的組合，只有大家多留意，就能看到他們的光芒。」

至於糖兄妹就表示起初知道要跟伍佰老師合作時，亦相當緊張，糖妹說：「伍佰老師好好人，做事認真，而且好體諒我哋係新人，整個過程都好輕鬆愉快。」

未夠錢買樓

糖妹憑着甜美樣子加靚聲火速上位，成為不少產品代言人，當中零食、美容、相機樣樣齊，從不少紅人包括范冰冰、劉亦菲等手上接棒，問到糖妹是否荷包豐厚不少？她說：「少少啦！（夠買樓？）糖兄話衫鈕就夠錢買，都係畀多啲家用啦。」糖妹經常單飛四處搵銀，糖兄毫無投訴，更為組合做好準備，他說：「佢離開香港嘅時候，我就加緊作歌，等佢返嚟就可以錄，等出碟嘅時候一齊出動。」

採訪：音樂組