余文樂偷桃露點狂晒靚肌

曾是香港青年軍籃球隊的余文樂，去年與十多名波友成立「橫洲工業」籃球隊，更邀得好友周柏豪加入，四出參與球賽均獲佳績，縱使樂仔檔期排得密麻麻，他仍抽空出席集訓。據知，樂仔一直想推動籃球運動，加上今年是球隊成立一周年，決定今年7及8月以球隊名義舉行三人籃球賽，並選定在元朗橫洲工業區進行賽事。

打完波，打赤膊的樂仔（左二）與波友豪邁坐地休息。	樂仔突然向敵方球員「猴子偷桃」，認真百厭。	周柏豪（左）每次落場都全力以赴。

偕柏豪練波

日前本報收到讀者報料，指柏豪在旺角街場打籃球，記者趕到剛巧樂仔到場，見他先做熱身才落場比賽，不斷搶波及剷籃的他打了十分鐘便全身濕透，未知是否現場太多圍觀者，樂仔只扯高球衣抹汗，作賽期間，鬼馬的樂仔突然向敵方球員施展「猴子偷桃」，引得全場捧腹大笑。

願望搞球賽

球賽接近完場，一身汗的樂仔索性除去球衣赤裸上身，見他身形fit到漏，胸肌腹肌並存，打到索晒氣的樂仔小休時不停用毛巾抹身，反而柏豪較為錫身力保兩點。

記者趁樂仔離開問他是否搞球賽？他說：「係，呢個係我夢想，能夠成事真係開心，好有成功感。」柏豪力撐好友說：「有益身心，應該推動多啲健康運動，打波令人氣力好啲，病都少啲。」

文：音樂組