王浩信食雞弗爆唐寧心動

甫踏入舞台劇《辛辣人妻》的排練室，即見唐寧（Leila）與王浩信（Vincent）雞啄唔斷，問到為何如此好傾？Leila笑謂：「因為我生完BB後肥咗廿幾磅，雖然好快瘦番幾磅，但之後體重一直再冇變化。直至遇到Vincent，佢一嚟就教我夜晚戒澱粉質可以減肥，我跟咗幾日後即刻瘦咗三磅，開心到我死！」

唐寧每晚都盡量只吃烚青菜，目標再瘦多十磅。

王浩信會花三小時畫畫幫助投入角色。

畫心電圖了解角色

問到Vincent為何忽然想練大隻，他笑謂：「忠仔（導演）話做舞台劇身形唔可以太薄，咁我咪努力操fit自己咯，一個星期做三日Gym同跑兩日步，另外食嘢我都跟好足，早餐食四隻雞蛋白同大量麵包，午飯食叉雞飯，但會走汁、走薑蓉、去皮同食瘦叉，下午茶食兩隻烚薯仔，之後晚飯再食烚雞肉同菜，足足食咗三、四個月。」Leila聽罷即搶着說：「見到佢咁大成果，先令我更加有決心減肥，哈哈！」

另外，Vincent表示很喜歡忠仔獨特的教戲方法：「佢不斷叫我哋畫畫同心電圖，心電圖可以幫助我哋了解角色喺特定場口嘅心理變化，另外畫人物造型可以令我哋覺得角色更加立體。（你畫得好靚。）我有學過設計，所以要好認真畫，咁先對得住自己。」

文：影視組