林欣彤為唱好歌想拍拖

Mag昨日為新歌《洗澡》舉行盛大發布會，英皇豪擲六位數字為她在酒店筵開十一席招呼各大傳媒，英皇高層吳雨、霍汶希、無綫高層樂易玲、陳家揚等都有出席，古巨基、容祖兒、Twins及林峯等師兄師姐特別錄製短片祝賀外，好友陳奐仁、趙增熹及一眾「巨聲幫」到場支持。

陳偉霆（左）及鍾舒漫（右）向小師妹分別送上毛巾及化妝袋，以示鼓勵。	「巨聲幫」上台獻花，令Mag感動到眼濕濕。	吳雨（右）與樂易玲（左）也來撐林欣彤。

羅孝勇好避忌

當「巨聲幫」上台獻花，Mag的緋聞男友羅孝勇似乎有點避忌，未有埋身送抱，大合照時更刻意隔開而企，不過Mag一樣感動到眼濕濕，她坦言自己萬千寵愛在一身，希望將大家的期望，由壓力轉化成動力，公司會否禁止拍拖？她說：「冇討論過呢樣嘢，不過有機會嘅話，我都會拍拖，咁樣對唱歌會有幫助！」

獎項盡力而為

Mag透露新碟將於8月推出，年尾將角逐樂壇的新人獎，問到身為「親生女」是否奪金在望？Mag說：「唔知呀，盡力啦。（驚唔驚畀人話內定？）如果係新人獎，我盡咗力，大家睇到我嘅努力的話，我唔怕！」

另外，前晚Mag跟師兄林峯等一眾歌手出席《勁歌金曲》錄影。提到有傳舊愛潘霜霜來港發展，林峯說：「歷史已經過去，我唔再回應。（佢來港發展？）各有各發展啦。（驚唔驚？）我顧掂自己先。」

文：音樂組