着三點式擒青買袋 Barbie姐鬧市放峰
曾憑一張「寸嘴」響朵選美界的廖祉甯（Barbie姐），除了言談惹火外，原來行為亦頗惹火，日前她於銅鑼灣挑選泳衣時，竟穿泳衣前往收銀處付款大派「冰淇淋」，認真開放！
選完港姐再選亞姐，盡顯屢敗屢戰精神的廖祉甯（Barbie姐），早前簽了新經理人公司，並計劃稍後推出個人寫真，準備在娛圈大展拳腳。日前，Barbie姐現身銅鑼灣Roxy揀泳衣備戰，為人開放的她，不時穿上泳衣俯身試穿沙灘鞋，胸前春光瀕臨失守邊緣！試身期間忽然看中一個沙灘袋，心急的她未待換回便服，即穿上泳衣直奔收銀處付款，大騷34C導彈上圍益街坊！
一串魚蛋頂兩餐
戰意甚濃的Barbie姐，原本想到附近的內衣店繼續搜刮戰衣，可惜因店舖關門未能如願，雅興盡失的她，惟有到魚蛋檔買魚蛋醫肚兼解悶。由於Barbie姐參選期間曾被指肥嘟嘟，忽然在街頭嗒魚蛋似有破戒之嫌，事後記者致電Barbie姐，她竟表示：「嗰串魚蛋係我嘅早、午餐嚟架！」食量少得如此可憐，Barbie姐為寫真瞓身程度可見一斑。
廖祉甯（Barbie姐）
年齡：26歲
三圍：34.5C、23、33.5
身高：5呎3吋半
入行經過：2010年接連參選港姐及亞姐，可惜最終名落孫山，但仍憑無厘頭偉論「響朵」，最為人「津津樂道」的莫過於將「備戰」食字變「鼻戰（War of Nose）」。
文：影視組