Toby買爆廠度水掃貨

【袁霆日本直擊】曾志偉昨日率領呂慧儀、陳嘉桓、江欣燕、梁靖琪、洪天明、鄧兆尊、姜麗文、雪梨兒子徐偉楝等港星去日本秋葉原，他們先參加當地旅行團到附近一帶行逛。期間到了一間百貨公司，大家甫入舖內即分頭掃貨，男士專供攝影器材，女士則對化妝用品愛不擇手，陳嘉桓說：「今次係我第三次嚟日本，女仔梗係貪靚，特別鍾意行呢類化妝雜貨店，連指甲油都有好多唔同牌子選擇。」

唔擔心輻射

穿上背心、熱褲的Konnie直言幾乎每年都到日本潮拜，預算花五位數購物，她說：「日本乜都靚，但今次最想買內衣褲，可惜呢度搵唔到，但相信未來幾日都會去好多購物熱點。（擔唔擔心核輻射？）唔驚，嚟得玩就唔會擔心！」

要做好老婆

至於Toby則靜雞雞走到男士用品專用區購物，選了一大堆貨品後，才發現沒有帶備足夠現金，要即場問志偉借了一萬日元（約一千元港幣），她尷尬地說：「啲錢留咗係車度，估唔到呢度咁多嘢買，想買多啲送畀老豆同未來老公，學做賢妻嘛！但我一定會還番錢畀『爸爸』（志偉暱稱）架。」

楊天經（左）與雪梨兒子徐偉棟專攻攝影器材。	姜麗文（左起）、呂慧儀和陳嘉桓忙於掃貨。	曾志偉率領一班港星到日本秋葉原掃貨，振興當地旅遊業。