許亦妮唔認肥 甄敏婷愛踢波
【陳永峯台灣直擊】「2011香港小姐競選」昨日到台灣日月潭拍攝，14名港姐更入鄉隨俗到文武廟拜神。當中是非纏身的(3)許亦妮誠心祈求，不過她否認是求攞冠軍，她說：「我都係佛教徒，選美攞獎係評判決定，（泳裝表現失準？）嗰日啲甫士唔好，我個缺點係腰短同胸骨大，睇落似肥，（不忿被指肥？）唔係……係有啲肥，可以改進吓，我已經食少咗Keep fit，第二次影泳衣相會留意吓甫士！」
今次港姐外景行程尚算緊密，其中(1)甄敏婷稱自己愛做運動又不怕曬：「我喺加拿大踢咗10年足球，（有冇甲組腳？）冇！我對自己腹部滿意，好fit！」另(9)麥美恩則嫌此行不夠瞓：「都有啲辛苦，（搵個男友撒嬌？）冇男友呀，（台灣搵？）邊個地方嘅男仔都冇所謂，最緊要鍾意我啲性格，不過今次太忙冇機會，都係專心比賽。」