Alice B.貪新鮮情路大開「髮」

混血模特兒Alice B.出名夠索，她自言除了靠化妝，一頭秀髮也是其搵食工具，她更表示髮型好看與否，對「Total Look」十分重要：「化妝係好緊要，但我覺得最緊要係髮型，好影響整個觀感！」

每日必洗頭

早前一頭紅髮的她，如今已染回黑色，問是否喜歡染髮時？她說：「只係貪新鮮，其實我鍾意黑頭髮多啲！我對護髮好有要求，平日出街一定唔戴帽，每日都要做treatment，你知啦！如果畀人睇到自己頭髮傷晒真係好尷尬，所以每日幾攰都會洗頭，乾淨晒先瞓！」

Alice笑言髮型師男友是她的Mr. Right。

貪新鮮的Alice最希望一星期變髮幾次。

靚仔冇本心

Alice又忽發奇想，笑言想搵髮型師做男友：「髮型師有一技之長，又可以幫我變髮喎，一個星期變幾次髮型，仲要唔使錢喎，你話幾着數呢？點都好過嗰啲靚仔又乜都唔識做，只係冇本心嘅人！不過，都係我諗啫，遇到先算，話唔定個髮型師嫌我閹尖呢！」

文：專案組

場地：MAREK ART OF HAIR