千嬅僭建屋賴設計師

楊千嬅昨日出席活動，提到有指其大埔康樂園新居出現僭建物，老公丁子高更將新居打造成風水生B屋，千嬅解釋設計交由室內設計師負責，對方只參考鄰居設計，若出現僭建問題，必定會處理。她說：「間屋係買畀爸爸媽媽住，大家都好關心我生殖問題，係冇時間生。」問到若果新居旺丁會否考慮搬到康樂園？她說：「旺丁方法只要嗰件事唔係喺香港發生就得，喺香港好大壓力，好似曼聯球賽咁。」