鄭嘉穎跑步失足臂留長疤

鄭嘉穎、胡杏兒、陳敏之、林子善、沈卓盈等昨日齊為新劇《怒火街頭》宣傳，期間播放片段，包括嘉穎杏兒親熱、敏之於街頭半裸追賊等戲份。右手多了一條疤痕的嘉穎，自爆日前收工後仍未有倦意，便走到戶外跑步，沒料途中發生意外，他說：「條街黑麻麻，跑跑吓就跌親，咁啱我踩住地下塊木板，成塊板就剷走我啲皮，當時啲公公婆婆未出嚟晨運，冇人救我，返到屋企血淋淋，用紗布包住，第二日先去睇醫生。」

乘機擦樂小姐鞋

至於選美出身的杏兒，對於今屆有候選佳麗退選也感可惜，回憶當年參選期間相當辛苦，體重亦只有102磅，就連吃飯也累得想睡覺。杏兒以師姐身份向師妹教路：「盡量去表現自己，形象好緊要，要克制啲，生活上唔好有太多嘢畀人提。（(3)許亦妮好多是非？）話佢有好多男朋友嘛！哈哈，不過佢都幾靚呀！」在旁的嘉穎則問退選佳麗靚女與否，有傳媒表示該佳麗貌似樂易玲，嘉穎即賣口乖：「咁似樂小姐都OK喎！」

此外，昨日一位自稱「英國朋友」的讀者報料，為許亦妮大平反，澄清她並非煙民，亦不曾整容及扮有錢女，並直指是一名居於英國的內地女子散播其負面消息。　

有指公司有意開續集，陳敏之興奮的表示樂意與胡杏兒合作。

沈卓盈代替滕麗名，重演被林子善偷吻情節。

文：影視組

爆料編號：ireport_00026013