陳嘉桓當殃 設計師「貪玩」捱轟
大前晚來港出席活動的國際著名眼鏡設計師Alain Miklitarian，向陳嘉桓（Rose）疑施「撩陰爪」，昨日該品牌在微博向Rose交代，指Alain太貪玩。獲fans力撐的Rose表示無奈，其老闆冼國林認為該行為要不得，對方應正式作出道歉！該活動公關周美鳳自爆當晚險被Alain「胸襲」！
出名手多多的眼鏡品牌alain mikli設計師Alain Miklitarian，大前晚親自來港出席品牌派對，並發揮熱情本色突然咀佘詩曼（阿佘），又伸手「掃」Rose的短褲邊，疑施「撩陰爪」，嚇得Rose花容失色！
貼圖賴太熱情
昨早一個「alainmikli香港」署名的微博，上載了Rose疑似被「爪」的「案發」照片，並寫道：「Rose，我們的mikli先生太貪玩了！希望你不要介意。」另外並上載阿佘被親吻照片並寫道：「mikli先生，你總是這樣的充滿熱情！」
老闆促請道歉
身為Rose經理人公司老闆冼國林昨接受電話訪問，說：「既然嗰個設計師嘅同事都喺微博咁寫，即係佢哋都知道咁做係傷害咗個細路女，我認為無論係冇心定玩，都唔應該咁做！同埋我認為個設計師應該以佢名義或者授權，正式親自道歉！」
雖然該微博向Rose及阿佘作出交代，但似乎未能平息fans的怒氣！昨午Rose在微博上寫：「發生這樣的事情，對女生來說……真是大感無奈！謝謝大家的關心。」fans紛紛留言指摘對方過分：「外國人就可以以『熱情』做藉口嗎？基本的尊重和禮貌都應該識囉！」
「亞洲人保守」
至於負責是次活動公關工作的周美鳳接受電話訪問時，表示當時被該設計師攬住：「我估佢之前係飲咗酒，當日佢男男女女都攬，可能見Rose靚女啦，其實合照時佢突然伸手攬住我胸部以下位置，我都嚇咗一跳！佢份人係好熱情，feel到唔係有惡意，我會轉達畀佢聽，叫佢下次唔好咁，亞洲人係保守啲，同埋要請番Rose食飯！」
文：名人組