唐詩詠唔講崔建邦 陷婆媳糾紛
唐詩詠日前被本報拍得在前男友崔建邦的西貢寓所過夜，因而傳出復合，而且她前日接受電台訪問時，還大方力撐，不過她一再強調是好朋友關係，為免令人太多揣測，決定封嘴。
唐詩詠昨日與盧宛茵在九龍城一間豆腐舖拍攝新劇《拳王》外景，她透露在戲中與黃浩然是一對，但跟奶奶盧宛茵的婆媳關係則不太好。
席間談到早前被拍得出入崔建邦西貢寓所，似已復合，曾強調跟崔建邦仍是好朋友的詩詠，或因近日撐枱腳再度斷正，竟突然封嘴，不欲多提，問到是否真的復合？詩詠說：「冇回應，唔講佢嘅嘢喇，要講都講咗，唔想大家再亂諗。（會唔會避忌去佢屋企？）都唔講喇！」總之涉及崔建邦的問題，詩詠都以「冇嘢講」作回應。
不想打擾志雲
不過，當談到扶持她與崔建邦的陳志雲，日前因涉貪官司再上庭，有說案件將傳召案中相關的藝員如佘詩曼、楊怡等出庭，一直視陳志雲為好友的詩詠則沒再避忌，問到是否需要出庭作證？詩詠說：「我唔係證人，之前都冇份去落口供，所以接觸陳生都唔驚。（有同佢聯絡？）我呢排忙拍劇，不過平時多數都係用短訊聯絡佢，因為唔想煩到佢。」
文：影視組 攝：李廣成