黃榕keep好body恃細橫行
女星雷凱欣拍三級片後被指依然住爛屋，相反同期出道的黃榕（Gloria）則密密接夜店騷搵真銀，更不惜「以小博大」，與一班外籍女模齊齊行泳衣騷。
性感女星黃榕（Gloria）當年與雷凱欣拍住出道，後者搏到盡拍三級片，雖然人氣急升仍被指要住深水埗破爛舊樓，身家未見起色，Gloria一於靠自己密食當三番，不停在夜店行泳衣騷及內衣騷，收入更有保障，每星期她都有幾場騷，常要捱更抵夜，早前又獲邀為內地的水上樂園拍攝廣告，但她不怕辛苦：「好多朋友都叫我唔好接咁多，我就覺得趁仲有人搵我，應該畀心機搵錢！」
大開眼界
Gloria日前行泳衣騷，現場大多是高頭大馬的外籍女模，向來令人覺得她open的Gloria說絕不及外籍女模豪邁：「佢哋真係乜都唔着周圍走，身材超好，應大則大，大開眼界o架！我就要遮住重要部位。」不過Gloria沒有被「大蝦細」拋窒，更自信十足地說：「得我哋兩個香港女仔仲好啦，細細粒仲突出，有好多fans嚟支持我o架。」雖然經常要穿泳衣騷body，Gloria完全沒有刻意戒食keep fit，嘢照食：「最好嘅減肥方法就係跳舞，我Hip Hop舞或者好女仔嘅舞都跳，跳得最密嗰陣仲有腹肌添。」
零親熱戲
最近Gloria在錢國偉執導的電影《喜愛夜蒲》中飾演性感女DJ，與「萬寧哥哥」沈志明、連詩雅及陳靜有不少對手戲，她大讚沈志明高大有型，笑言遺憾兩人沒有親熱戲。
文：立影