陳嘉桓扮靚過界髮誘宅男
陳嘉桓憑「美肌之誌」的電視廣告熱播而為人熟悉，昨日她為品牌拍攝新一輯平面硬照，除了透露酬勞多了一倍之外，又表示最希望拍有關頭髮的廣告，以一頭秀髮吸納宅男fans。
陳嘉桓昨日以一身白色吊帶短裙上陣，夥拍其品牌代言人冠軍譚晴（Ricksen）拍攝全新一輯廣告硬照，其師兄杜宇航亦為品牌另一產品拍攝硬照。期間，陳嘉桓非常識做的大讚品牌產品好用，問到她酬勞如何？她即笑言：「都有加，多謝老闆。（加咗一倍？）差唔多啦！仲有無限量sponsor產品畀我哋，可以送埋畀屋企人同朋友。」而在旁的杜宇航就隨即表示：「其實唔止係人工嘅問題，呢個廣告都好支持我哋。」
未睇過林峯肌肉
外形清純的陳嘉桓最近成為廣告新寵兒，她笑言最渴望拍有關頭髮的廣告：「我覺得一頭靚嘅頭髮可以吸引異性。（吸引邊個？）廣大宅男，都想吸納多啲宅男fans。」
另外，日前有o靚模表示想與其緋聞男友林峯拍三級片，如果林峯接拍此類影片，她會否有興趣觀看？陳嘉桓聞言即尷尬說：「問師兄（杜宇航）啦！（林峯練得一身肌肉？）我唔知喎，之前同佢合作時佢冇騷畀我睇！」
文：影視組