張嘉兒泰放縱抱抱集郵

剛拍完新劇《飛虎》，嘉兒即安排爸爸、姐姐、妹妹到泰國度假四天，可惜的是媽咪及最細的妹妹身在溫哥華未能同行，嘉兒說：「難得經常唔返香港嘅妹妹都返嚟，爸爸咪請我哋去布吉玩囉，對上一次同屋企人去旅行已經係十年前嘅事。」

請家人遊南非

雖然此行撞正布吉刮大風，令他們主要留守酒店玩，但嘉兒買了水底相機，一樣玩得開心：「其實開心可以好簡單，我哋幾個喺水底係咁影相，已經笑到成個泳池嘈晒！所以我好期待一家六口一齊去旅行。」向來孝順的嘉兒更訂下目標，計劃請全家遊南非：「家姐喺南非航空做，買機票有優惠，全家都未去過非洲，而且我好鍾意動物。」

嘉兒最愛清甜椰青。

張嘉兒（中）與爸爸及妹妹過了個開心假期。

期待學以致用

嘉兒的說法果然非虛，她在布吉跟大象合照笑得燦爛，原來她愛跟動物「攬攬錫錫」，且有儲動物錫錫照片的習慣：「今次影咗大笨象同海豚合照，好開心，我屋企都儲咗好多呢啲相，（點解有咁嘅喜好？）因我鍾意畀人錫同畀人攬嘅感覺囉。」

被大笨象攬住合照，嘉兒最開心不過。

在水底玩影相，嘉兒體會到開心原來可以很簡單。

嘉兒放完假後隨即投入工作，為綜藝節目開工，另又要忙處理其語言中心的事務，不過剛拍完劇的她坦言「恨」再開工：「拍《飛虎》同宣萱一班人做咗好朋友，喺佢哋身上學咗好多嘢，希望快啲有機會實踐。」

文：影視組