衞詩撻着混血兒有愛冇性
身為虔誠基督徒衞詩（Jill）本月中由歐洲傳道返港，日前接受本報電話訪問，承認跟一名細她四年叫Tim的中英混血兒教友拍拖，由於男友身在外地升學而相隔異地，信主後誓保貞潔的Jill揚言是上帝安排，她說：「上帝唔畀我哋『搞嘢』！」
Jill跟關楚耀09年在日本發生藏毒事件後，經歷兩年「洗底」，雖然曾被拍得身邊出現外籍猛男，但她均否認是男友，直至本月中由歐洲傳道返港接受本報訪問才揭露其真命天子。Jill透露此行其中一站有幸一睹英國威廉王子大婚的西敏寺大教堂外貌，她興奮表示：「我哋去到嘅時候係威廉王子結婚第二日，因為太多遊客排隊入去參觀所以我哋冇入到，但淨係睇外貌已經好宏偉！」
男友接受曾犯錯
問Jill是否期待在教堂行禮？她衝口而出說：「梗係想啦，不過我男朋友喺LA讀緊書，仲有一年先畢業！」Jill被問起男友不但沒有避忌反而侃侃而談：「佢叫Tim，係中國同英國混血兒，細我四年，不過我唔介意！」問Tim是否知道她曾經吸毒？Jill說：「佢乜都知，佢好清楚我過去，而且佢都係教徒，雖然我唔perfect又衰過，但佢好相信我會改過，所以我好珍惜佢！」
信主安排唔搞嘢
由於跟男友分隔異地，Jill透露每日跟男友以手機及電腦維繫感情：「不過咁樣反而仲好，如果佢喺香港，我驚我會分心集中唔到工作，而且呢一切都係上帝安排，上帝唔畀我哋『搞嘢』！」
文：音樂組