陳霽平昨日為香港國際藝術展11之一的BMW活動擔任司儀，提到與趙世曾姪兒趙式言拍拖兩年，她表示還未有結婚生仔的計劃：「男友未求婚。其實我都唔需要結婚，爹哋媽咪只要我開心就得，我係唔需要結婚嘅傳統，總之我冇壓力，男方嗰邊就唔知。（結婚講mood？）係，mood到唔排除閃電結婚。生小朋友都係冇壓力，順其自然，依家我哋好享受二人世界！」問到男友是否理想丈夫？她就甜笑地說：「係好多人嘅理想丈夫！」
她又透露將拍攝一部獨立電影：「裏面有三個故事，我負責其中一個單元，都係主角之一，係套驚慄片。」
