Mandy Lieu購火鑽自給自足

Mandy與Alice昨日齊齊擔任模特兒，示範最新鑽飾，身穿Mulberry連身裙的Mandy佩戴逾百萬元鑽飾，被問到有否曾收過貴重禮物？她說：「我買過七萬蚊鑽石手鏈畀自己，可以keep一世之餘，款式唔過時，又可以一代傳一代，係值得，唔使等男友送，我不時都有戴。」

開心戴王冠

Mandy表示即將完成北京拍攝的音樂電影《埃及妖后》，雖然辛苦，但出來效果很美，比想像中還要震撼，問到會否不能抽離角色？她笑言不會：「戲裏面戴好多珠寶王冠，我唔敢問真定假，如果係真嘅會有壓力！其實依家仲未有真正戲名，但8月1日會正式出街。」至於可希望男友送鑽飾？結婚想收甚麼？她表示已自費擁有了鑽石，甚麼都不重要，下次卻想買耳環給自己。記者笑問她希望自己如王妃凱瑟琳般戴上真正王冠？她沒有正面回答，只說：「今日戴到已lucky、開心！」

Alice延遲出寫真，避過競爭對手。

Mandy與Alice分別示範過百萬元鑽飾。

有人送都愛

另邊廂同為Harry Winston示範的Alice，卻表示如有錢會買樓，不會買鑽飾，問到會否直接叫緋聞男友王友良送？她甜笑地說：「No！我會買畀自己先夠特別！」不過再問她有冇拒收過鑽飾？她則說：「我冇拒絕過，不過就冇人送；喺英國時都係收朱古力同玫瑰花，如果送我鑽飾，我都愛。」

Alice早前曾透露會推出寫真，但突然轉軚，她表示：「我會集中模特兒工作先，或者聖誕至出，時間太短未諗到構思，想從藝術出發。」記者直問她是否夏天多競爭對手？她即自嘲身材不好；哪何不僭建？她則轉話題：「我期待嚟緊嘅泰國之旅同七月嘅生日呀！」

文：名人組