DaDa出6吋搶女神fans
寫真大戰未正式爆發前，陳靜（DaDa）率先發力，以性感廣告大拋誘惑身材，為預告寫真集豁出去，更無懼國產噴血索女爭巿場，誓搶女神Angelababy和周秀娜fans過檔。
今夏寫真大戰雖缺乏了始祖級的女神周秀娜和Angelababy助陣，但一班火辣新面孔加內地噴血索女紛紛加入，競爭依然激烈。當中首次以個人身份推出寫真的DaDa，獲纖體美容公司Spa Colletion力邀，以三點式拍下新廣告，率先一露誘人身材。
尺度竟超乎想像
期間DaDa一於大解放，狂拋６吋事業線並一展努力修身的驕人成果，稍後更會大灑七位數字金錢狂谷宣傳造勢。DaDa直言纖體廣告以健美為主，至於寫真集更極具誘惑，當中有超過三十個造型，她說：「由清純到妖艷乜都有，尺度超乎我之前嘅想像，雖然係三點不露，但都好誘人，拍嗰陣我都有啲面紅同怕醜添。」今次寫真更落重本，靚衫靚首飾之外，還有好多靚景。據知寫真集更有型男客串登場，與她有纏綿演出。
自己友人強馬壯
今年本地寫真有周秀娜師妹何佩瑜（Jeana），國產索女則有潘霜霜、張馨予及周韋彤等「胸降」加入戰團，DaDa對此信心十足的說：「我今年比舊年更加有信心，我哋公司兩個小師妹Iris同Monna都係內地出生香港長大，我哋都人強馬壯。」至於周秀娜和Baby退下火線，DaDa說：「我覺得絕對對我有利，仲可以吸納埋佢哋嘅fans添。」
文：影視組