鄭嘉穎操肌有功擒羊失威

鄭嘉穎為新劇角色狂減10多磅,又苦練肌肉,務求練出鋼條拳手身形,但前晚拍外景時卻因無駕駛執照,被「綿羊仔」技術性擊倒!

鄭嘉穎、李詩韻和胡定欣前晚為無綫新劇《拳王》拍外景,場口講述李詩韻下嫁他人前,來到嘉穎寓所樓下見面互訴真情。劇中飾演拳王的嘉穎為角色已操得變「肌男」,六塊「朱古力」亦漸見成績,他說:「依家飲食都好節制,餐餐都係食雞胸肉。」操肌無難度,但前晚他卻被「綿羊仔」考起!

媽咪反對

話說劇情講到嘉穎駕駛「綿羊仔」跟隨李詩韻到轉往另一地方傾偈,但拍攝時由於嘉穎沒有電單車車牌,只能在「綿羊仔」上擺甫士扮開車,到正式開車時換上替身頂替,嘉穎如此失威原來為阿媽,他表示:「自己一路都好想學電單車,一來方便,二來感覺又好自由,但係因為媽咪一直反對,話揸電單車太危險,其實依家都仲好想揸電單車o架!」

微博傳情

至於李詩韻在劇中也有打戲,只不過是捱打的「打」,劇情講述她為討好意中人鄭嘉穎,而跟他學泰拳,又甘心充當沙包,她笑說:「場戲喺廠景拍咗,其實唔係咩打戲,我唔使好似佢哋練得咁辛苦,只係攞住軟墊畀佢練拳。」

有傳李詩韻與鄭嘉穎戲假情真,因拍劇而撻着,而現場所見兩人亦未有避忌,不時有講有笑。李詩韻更在微博上載一張嘉穎戴頭盔的照片,還取笑他像卡通人物小吉。

文:影視組

攝:黃叔榮