譚元元冇簽畀張天愛
著名芭蕾舞家譚元元來港為香港芭蕾舞團表演，時裝設計師何志恩（Johanna）亦到場支持。元元表示很喜歡到香港演出，不但有很多fans支持，亦可以跟世界級舞者學習，並順道跟老朋友敍舊。問到有關張天愛把她羅致旗下的傳聞，元元澄清：「冇同佢簽約，不過佢有搵我傾合作project，我都想幫手，不過要睇時間同興趣。」另外，她透露自己忙得沒時間拍拖，笑言若追到她的男生很有本事。
而Johanna則透露大女兒對芭蕾舞很有興趣，但由於不想囡囡太忙，所以並未為她報讀興趣班。她又慨嘆女兒開始有公主病：「佢明明自己識着鞋，但係要人幫佢着，食飯又要人餵，我同老公一見到就會鬧佢！相反細女就好獨立，乜都鍾意自己嚟！」
