李桂蘭唔止三頭六臂
由名媛李桂蘭舉辦的「張洹：消失的氛圍」首場展覽前晚舉行，好友無綫董事利孝和夫人亦畀面出席。
李桂蘭認為現代女人要有三頭六臂才可以應付繁忙業務，正正配合現場名為《三頭六臂》的雕塑，她笑說：「搞呢個活動好忙，唔止三頭六臂，簡直要六頭十二臂先得，所以忙完之後都即刻飛去布吉休息吓！」
至於利孝和夫人被問到佘詩曼在新劇中扮演傻妹遭受惡評一事，她則出言力撐，又激讚愛將林峯演戲生鬼又靚仔，笑言近日忙於睇電視的她說：「最近睇林峯套新劇，仲有個傻妹佘詩曼。（有人批評阿佘演技浮誇？）樣樣嘢都有人批評o架啦，做聰明人好容易，但做傻瓜就好難。」問到可會看好林峯拿視帝？她續說：「唔好咁講，公司咁多好嘅藝人，不過佢頭一次演喜劇，我都覺得演得好好，而且好靚仔；其實我都有睇陳豪嗰套戲，佢都演得好好，我都想知個結局，你哋（記者）知唔知。」記者笑問林峯及陳豪哪個拿視帝？利夫人鬼馬地說：「兩個都好，唔好比較，如果我話林峯好，陳豪會好唔開心！」