李亞男開心兩頭吸金

「藍男」、三哥、朱茵、小儀及方力申前晚應邀任《華麗明星賽》嘉賓，祖藍雖與女友同場，卻被派跟朱茵拍檔，亞男則跟三哥一隊，本身高出男友一大截的亞男再穿上四吋高踭鞋，跟三哥倒是相配，還笑說：「我哋分開搵食，我贏咗獎金係我嘅，祖藍贏咗獎金都係我嘅！」

着高踭鞋終拗柴

對於亞男變得更高，祖藍不但沒有埋怨，反而嫌她未夠高：「四吋矮啦，應該着六吋吖嘛，你哋都覺得佢同三哥襯啲係嘛。（唔驚佢拗柴？）拗咗啦！佢之前喺屋企跌親，我帶咗佢去睇醫生，冇乜事。」亞男不禁笑言：「證明高係冇用嘅。」

祖藍（右起）與朱茵配成一組，跟蔡一傑共舞。

朱茵咁性感，係人都爭住揸手。

錄影時，主持草蜢刻意將不同組別的「藍男」拉在一起，示範一次情侶甫士王，祖藍聞言即吩咐女友：「我哋唔好衰畀外人睇。」不過未知是否高矮太懸殊，兩人表現並不合拍，睇鏡頭位甚多「蝦碌」，事後祖藍解釋：「因為我拖住佢隻手，畀唔到提示佢睇幾號機位，所以話感情係會影響到事業o架！」

朱茵驚半夜餵奶

此外，朱茵談到好友蔡少芬（Ada）已為人母，表示很替對方開心，問到何時輪到她結婚生仔？朱茵說：「每次見Ada喺微博寫要凌晨起身餵奶就驚，未有心理準備生BB，隨緣啦。」

文：影視組