克勤賺百萬渣過師奶

據知克勤於○五年以約八百萬購入大埔道郝德傑山一座高層單位，面積近千三呎，近日他以九百二十萬售出，六年賺了逾百萬。不過克勤受訪時搞笑自嘲：「冇鬼用！渣過班師奶啦，人哋閒閒哋五百萬嘅樓都賺三百萬啦。」他笑言這間屋由買到賣都未見過，一直放租：「啲村屋都係咁升，好明顯我係個唔識投資嘅人。」

手上物業不多

克勤坦言一向將投資交由父親及太太盧淑儀打理：「我係糊裏糊塗乜都唔識，見個單位都擺咗咁耐，賺到少少咪已經好滿意好滿足，咁咪賣囉！或者喺其他地區睇有冇合適單位再投資。」克勤笑言手上物業不多，本身亦非炒家：「見我個人咁老實就知，我成日畀人呃，唔會呃人。」

克勤笑言專心唱歌，努力賺錢養妻活兒。

阿倫與阿叻投資有道，令克勤非常羨慕。

不擅投資的克勤將於七月與香港小交響樂團舉行演唱會，身價近百萬歌酬的他笑說：「我又唔係阿倫（譚詠麟）同阿叻（陳百祥）！（近朱者赤，近墨者黑嘛！）阿倫係商業奇才，但佢冇教我呢啲，教我生仔咋！買股票通常問阿叻，總之投資嘅嘢都唔適合我，我都係乖乖唱歌吧！」

文：音樂組