30歲黃榕熟得夠味

書展寫真戰即將展開，今年沒有已上位的周秀娜及Angelababy參戰，形成亂鬥格局，新女隨時升呢！三名新面孔黃榕、許穎（Phoebe）、及冬甩的Alina已準備出擊！

形象性感的黃榕雖已30歲，但眼見同期出道的雷凱欣拍三級片依然有價有市，於是決定首次出寫真，大賣熟女誘惑挑戰年輕女模，她說：「啲妹妹仔邊夠味道？實有人欣賞成熟美！」她在書中不乏賽車女郎及泳裝等火辣look，更有半裸鏡頭！

Alina在寫真集中會真空上陣。

黃榕自言自己的賣點是夠「熟」，在寫真中更有半裸照﹗

獲米原康正操刀

而22歲的Phoebe擁34D上圍，今次寫真集請來曾與星野亞希及周秀娜合作的日本攝影大師米原康正操刀，大玩「重要部位」特寫，Phoebe表示：「我絕對信米原，佢係大師！（驚太大膽？）唔驚！日本好興咁影相，應該用藝術角度睇。」

寸DaDa胸欠美感

至於以Rainbow（胡心諾）為首的o靚模組合冬甩，今年加入三名新女，當中「峰」頭躉Alina（何綽菲）有「E Cup官恩娜」之稱，寫真集中更會真空上陣！只得20歲的她甚有自信，暗寸陳靜（DaDa）胸形欠美感及潘霜霜疑似打假波！

另外，對於之前曾拍寫真的「前輩」均轉戰影壇，Phoebe坦言羨慕，更直言不介意剝住演戲：「最近拍《喜愛夜蒲》都要着T-back親熱，我唔介意着得少，最緊要有發揮。」黃榕亦表示愛演戲，但不想學雷凱欣做三級女星：「呢個係佢選擇，我唔會跟，不過情慾戲都可以，只要唔露三點！」

文：影視組