「爆E超蓮」認大食焗住減肥
有「爆E超蓮」之稱的鍾采羲今年再戰寫真界，為了以最佳狀態示人，自認食量驚人的她已減掉六磅肥肉，希望上鏡更加省鏡。
鍾采羲（Iris，前名：鍾永慧）因貌似賭王千金何超蓮，甫出道即被冠以「爆E超蓮」之稱。入行短短一年的她經歷和舊公司解約，再簽施念慈旗下，今年依然有機會與師妹林宜芝（Monna）合出寫真。
入行加速成長
Iris坦言入行一年的經歷令她極速成長，變得非常不同。她說：「上年嘅我乜都唔識，完全唔知自己做緊乜，到依家我覺得再有呢次嘅機會一啲都唔容易，自己主動投入咗好多，好勤力去美容，自動自覺去瘦身，因為我想做得好啲。」
Iris直言家人不贊成她入行，但既然已踏入娛圈，就不可以懶懶閒。她謂：「成家人都唔會話要我喺呢行有咩成就，佢哋相信我知自己做緊乜，會畀我試吓，但唔會畀好大壓力我，反而我自己會畀好大壓力，呢行咁多人，機會唔係次次有。」
一口痕就照鏡
為了拍好今次寫真，Iris減掉六磅肥肉，希望上鏡更靚。她稱：「依家距離我嘅目標仲有距離，一直以嚟我都比普通女仔食量大，一日可以食好多餐，為咗減肥，一有口痕感覺我會去照鏡，加上Monna同我一齊減，大家互相鼓勵，會有多啲動力。」
文：影視組 場地：秀身文化