姚佳雯買唔起豪宅

姚佳雯來港發展後一直有置業目標，但樓市卻有升無跌，令她未能如願做業主，她說：「依家啲樓價好貴，豪宅就買唔起喇，希望可以買個細細哋嘅單位自住，但係啲樓價係咁升，媽咪一早叫我買樓，但係愈諗佢就愈升，錯過咗時機喇，惟有等下個機會啦。」

談到早前到廣州豪宅拍攝，姚佳雯指有不少港人在當地置業投資，每逢假日才返廣州豪宅度假，享受豪華生活空間。