佘詩曼走出溫室掙扎勁

ontv的《娛樂onShow》為你提供豐富、具娛樂性的紅星專訪，日前節目主持人俞詠文邀得佘詩曼促膝長談。一線花旦阿佘多年來在無綫主演過不少膾炙人口的劇集，不過她今年決定向前踏一大步，改與無綫簽部頭約，計劃主力進軍內地市場。一姐離巢，自然備受傳媒關注，她說：「都係繼續拍劇畀大家睇，諗咗年幾，開始覺得原地踏步咁，我覺得我嘅人生可以再豐盛啲、加多啲顏色，有勇氣去踏出溫室係經過掙扎嘅！」她表示傾約過程融洽和諧，希望新決定令自己有一番新景象。

辛苦工作收穫多

不少人認為在無綫拍劇是份苦差，97年選美後即開始投身公仔箱的阿佘直認不諱：「辛苦就梗啦，事實上體力消耗得幾緊要，但收穫都唔少。」而主演新劇《花花世界花家姐》正熱播當中，她飾演「女版阿旺」傻大姐角色，自覺有突破：「角色幾難做，拍之前失眠咗三個禮拜，有十幾種方法去演繹，但又唔可以溝埋一齊，只可以揀一兩種，我有選擇困難症，完全唔知邊種係最好，驚到要打畀導演同監製。」想知阿佘最後怎樣成功「阿旺」上身，馬上click入ontv啦！

佘詩曼接受ontv節目主持俞詠文專訪，分享離巢感受。

阿佘表示經過不少掙扎，才決定往內地發展。