24味懶理校規向學生爆粗

24味將於五月廿五日出席Goyeah.ocm在九龍灣香港大學專業進修學院舉行的「24味ｘMing仔棟篤笑唱會」，日前成員陳子聰、JBS、Brandon及阿肥接受本報訪問。他們表示並非首次殺入大學校園，在過去的校園演出經驗，給眾男感覺是台下大學生都表現興奮投入，完全是「跟住Rap跟住唱」。陳子聰表示：「可能同啲學生距離好近，唔同唱啲大場同啲觀眾隔好遠。」

題材廣泛

提到在校園演唱，24味的歌曲可遭限制，如被禁唱粗口歌。JBS表示：「其實×街算唔算粗口呢？如果我Rap係Fxxking，我係Rap歌詞唔係去鬧人嘛！所以都會照Rap。」然而四子大讚現今大學方面很開放，從未向他們有任何規限：「讀得大學個個十八歲以上，唔會介意呢啲問題。」

24味平均年齡都三十有餘，大受「90後」歡迎，四子笑言全因各成員有不同吸引力，例如陳子聰很受師奶阿嬸歡迎，阿肥同阿傑就吸引一班Sexy Girl。之後他們正經說：「其實係因為我哋歌曲題材比較廣泛，有有趣嘅、有社會性、唔開心同開心都有，自然唔同年紀階層都會啱聽。」

近年24味成為海外不少音樂節的常客，擁有一班海外歌迷，去年便有一班留學海外的劍橋大學生放暑假返港搞派對，便點名要搵24味演唱。子聰得戚地說：「證明我哋啲歌，有腦有品味嘅人都會鍾意。」

陳子聰被指很受師奶粉絲歡迎。

24味經常為工作有拗撬，但鬧完就算，沒有隔夜仇。

鬧完就算

夾Band多年，六個大男人當然會有拗撬，但都是鬧過便算，兄弟間沒有隔夜仇，子聰笑言對住兄弟愈老愈化，不過對工作則繼續有火。JBS說：「希望幾老都有火、有夢想，要Keep住呢個心態。」阿肥亦補充：「化係對自己身邊人，唔係對社會，亦唔係對出面嘅事情，唔啱嘅嘢一定要鬧，用24味嘅聲音去講出嚟。」子聰表示24味要玩的時間可以好癲，但工作時會變得好認真和勤力。

文：音樂組　攝：沈健程