許穎出寫真想送內衣
葛民輝「icon女」許穎（Phoebe）的性感寫真雖然要到暑假才推出，但為滿足宅男粉絲，早前她踩入設計界推出多款自家製的T恤，其中印有她性感logo的衫已賣得七七八八，令Phoebe對寫真銷量增添信心︰「初時設計出嚟都擔心會唔會冇人買，不過見到啲衫賣得咁好，好多人鍾意真係好開心，希望寫真都可以賣得好啦。」
Phoebe表示有意乘勢推出另一款自家設計的產品，不過現未有時間構思。問會否設計性感泳衣及內衣？她說︰「之前有同公司傾過再設計啲嘢出嚟賣，內衣同泳衣都可以考慮下，仲可以搵埋自己代言。」她稱若成事希望隨寫真附送，乘機吸納少女購買。
